Monday, 8 October 2018

Places to visit in Chandigarh

Places to visit in Chandigarh aaj ki is post me apko yahi btane wala hu ki ap Chandigarh me kha kha ghum sakte hai kyuki mai khud Chandigarh se hu to Socha kyu na mai yha ka sab kuch share karu taki jo log yha ke nahi hai unke liye yha ghumna easy ho jaye

Chandigarh Haryana or Punjab ki capital hai iske do do state rakh rkhaw karte hai to jahir si bat hai city high develop hi hogi  Chandigarh city ki planning Le Corbusier ne ki thi kha jata hai iski planning Harppa ki town planning se li gayi thi or isko Harppa ke trh hi design kiya gya hai Chandigarh ko City Beautiful or Gardens ka sehar bhi kha jata hai kyuki yha par bahut sare gardens hai or City beautiful isliye kha jata hai kyuki ye city kafi saf suthri hai

Yha ke roads or traffic system bahut acha ha jisse yha traffic jam bahut kam hota hai kyuki yha par har jgh Red lights lgane ki jgh bade bade Gol chakkar (Round Circuls) bnaye gaye hai jisse traffic control kafi acha rehta hai

Chandigarh kaise aaye

Chandigarh aane ke liye ap Bus Se , Airplain se or train se kisi bhi trh se aa sakte hai kyuki Chandigarh railway station bhi kafi bada hai or yha par lagbhg har jgh se trains aati hai ap apne city se train ke liye pta karte hai iske alawa Chandigarh me 2-2 bus stand hai sector 17 or 47 or iske bad Chandigarh me International airport bhi hai to ap apni city se kaise aana chahte hai uski detail ap net se le sakte hai

Rock Garden

Rock Garden Chandigarh ka ek bahut hi famous place hai agr ap kabhi Chandigarh aaye to bina rock garden dekhe na jaaye kyuki ye sach me ek bahut achi jgh hai jha ap bahut enjoy kar sakte hai
places to visit in chandigarh
places to visit in chandigarh
Ye ek garden hai jha jaane ke liye apko 20rs ki ticket lagti hai jaisa ki iske naam se pta lagta hai ki ye rock garden hai iska structure bhi aisi hai isme pathro se patli galiya hai jaise ki sach me koi pahad ho or jab hum isme aage jaate hai to apko yha bahut ache ache waterfall dikhenge jo ki sach me bahut ache lagte hai ap yha achi-achi photo shoot kar sakte hai

Water fall ke baad jab aap aage jaoge to apko patlio galio or chote chote gates me se gujrna hota hai jo ki bada hi majedar hota hai jab aap aage pahuchege to yha apko kafi mirror milenge jisme apko apka chehra alg alg dikhega kisi me aap lambe to kisi me chote or kisi me mote lagte hai in mirror me khud ko dekh ke bahut hasi aati hai

In mirrors ke age apko ek wall me kayi trh ki rang birangi fishes dikhegi or iske aage kayi bar putlo ki bahut sundar sundar sajawat ki gayi hoti hai ek dm osm lagta hai

Jha ap ye sab mirror wgaira dekhenge wha apko khan eke liye andr shops bhi mil jayengi or yha par bahut sare jhule lage huye hai jin par bache bade sab jhul sakte hai ek hi line se kayi jhule lage huye hai to bahut sare log jhul rahe hote or bahut mja bhi aata hai jhulne me to isliye mai kahunga jab bhi Chandigarh aaye Rock Garden kabhi miss na kare badhiya jgh hai ghumne ke liye

Sukhna Lake

Ye lake rock garden se thodi hi duri par hai ap chahe to paidal bhi ja sakte hai ye jgh rock garden ke sath hi hai to rock garden aaye to ise bhi kyu miss karna ye kafi badi lake hai jha log subh sham morning walk exercise karne ke liye bhi aate hai kyuki iske sath jogging track bnaya gya or bhi kafi bda to yha walk karne ka bhi apna hi mja hai iske alawa ap yha boating kar sakte hai 300 rs tak me or khane pine ke liye to canteen shops sab kuch available hai hi

To mai yhi kehna chahunga ki rock  garden aaye hai to ise bhi jarur dekhe jada dur nahi hai 1km ya isse kam hi hoga or jgh bhi achi hai

Rose Garden

Rose garden naam se hi pta lagta hai ki garden rose ki hoga ji haa is garden me 1000+alg alg trh ke roses or ye garden bhi kafi bada hai apko yha aane ke liye kisi ticket ki jarurat nahi hoti ye free of cost hai but jgh bahut achi hai har trf roses or greenery hai or hai bhi kafi bda
Iske andr apko roses ke sath sath kafi acha nature milega andr kafi ache ache pull or fuware lage hai bahut sare sundar ped or belle lagi huyi agr ap photo khichne ke shokeen hai to mast mast photo khich sakte hai ap

Mata Mansa  Devi Temple

Mata mansa devi ka mandir bhi bahut acha or bahut bada hai yha par log kafi dur dur se aate hai ye kafi famous mandir hai navratro ke time to yha kafi bhid hoti hai or lambi lines lagti hai to agr ap mata ke darshan karna chahte hai to yha bhi jaaye mandir ke andr darshan karne ke baad andar parks hai jha ap baith sakte hai or to yha bhi andar bhandara bhi chlaya jata hai parsad ke roop me jarur kha ke jaye bahut acha banta hai
Yha sirf mata mansa devi ka mandir hi nahi andr sabhi bhagwan ke mandir hai lekin main mandir mata mansa devi ka hai uske aage kayi or mandir hai or bada Patiala mandir hai to yha bhi ap jarur jaye kafi acha hai

Pinjore Garden

Dosto pinjore garden Chandigarh me to nahi aata lekin ye Shimla-Kalka Highway par hai agr ap Chandigarh sirf ghumne aaye hai to apko jarur jana chaiye ye Haryana ki district Panckula , pinjore me hai


Pinjore garden
Pinjore garden

Ye garden bhi kafi sundar hai jha ap bahut hi fun kar sakte hai andr kayi trh ke waterfall hai is garden ko rat me dekhne layak hai agr aap rat me jaa sakte hai to mai kahunga ki raat me hi jaaye kyuki din me to apko park or waterfall wgaira hi dikhega lekin agr ap raat me jaate hai to iski sundrta ke kya kehne bahut hi achi lightning hoti hai isme rat ko har ped , podhe , diwa, or waterfall par rang birangi lights hoti hai jo ki dkehne me ek dm osm lgta hai iske andr jaane ke liye 20 rs ki tickets leni padti hai mai to kahunga ap yha bhi jarur jaye

Elante Mall

Agr apko mall wgaira ghumna pasand hai to Chandigarh ka elante mall bahut hi famous or bada hai yha par enjoy karne ke liye kafi kuch hai photo shoot ke liye bhi achi place hai or yha PVR cinema bhi hai jha ap movie wgaira dekh sakte hai elante mall me kayi bade stars aate rehte hai

Yha par kayi Punjabi songs ki bhi shooting huyi hai to acha to hoga hi tabhi shootings hoti hai or iske alawa jb yha Mohali me match hote hai to kayi Cricket Star bhi yhi shopping karne aate hai Elante mall Chandigarh phase 1 me hai to ap yha  bhi ghume or shopping kare

Sector 17 Market

Sector 17 ki market ap sochenge ye bhi koi ghumne ki jgh hai ji ha dosto sector 17 Chandigarh ki Vip market samajh sakte hai kyuki yha par kafi bade bade brands or showrooms hai

Agr apke pas ache khaase paise hai shoppings ke liye to ap Sector 17 jaye lekin apke pas jada paise nahi hai or shopping karna chahte hai kapde or dusre chijo ki to Chandigarh ke sector 19 aur sector 22  se bhi shopping kar sakte hai yha pe na jada mehnga hota hai or na jada sasta mai to sector 19 se hi leta hu to apko shopping karni hai to ap apne budget ke hisaab se ja sakte hai kisi bhi market me bhi

Panjab University Chandigarh

Panjab university Chandigarh sector 14 me hai agr apko dekhne ka shok hai to ap yha bhi jaa sakte hai kafi badi university hai yha bhi kayi Panjabi movie or songs ki shootings hui yha ke students me Student Election ka kafi craze hota hai jab election hote hai to bahut si rally nikalti hai or bahut hi jada police lagti hai to ap khud hi soch sakte hai yha par collage ya university me hone wale election ka time kitni bhid hoti hai or students me iska bahut hi jada craze hota hai

Chhatbir Zoo

Ye zoo Chandigarh se thoda dur hai lekin kafi bada zoo hai ye zoo itna bada hai ki ap thak jaye tb bhi khatam hone ko nahi aata agr ap with family ya friends ke sath hai tab to apko kafi mja aana wala hai lekin agr ap akele hai tab to aap bor ho jaoge kyuki kafi bda hai

Yha par bahut hi sare janwar hai lagbhag har trh ke janwar hai jinhe ap dekh ke apka dil khus ho jayega yha bahut hi sundar or alg alg trh ke birds hai iska alawa lion , dear , snakes sab kuch hai iske alawa andar ap bus ot ferry book kar ke open lions or dears dekh sakte hai

Mohali Stadium

Agr ap crcicket lover hai to aap Mohali ke PCA statdium bhi jaa sakte hai yha par kayi bade international match huye hai ye stedium hi Yuvraj Singh ka home ground hai to aap yha bhi jana chahte hai to jarur aur agr yha par koi match chal rha ho to sone pe suhaga hai 

Kalagram

Kalagram aisi jgh hai jha bahut kuch function hote rehte hai yha har sal koi n koi fest lagta hai jaise Spring fest , Summer fest jisme bade bade mele lagte hai or to or iske alawa yha bade bade stars bhi aate hai kayi stars yha apni movie ka promotion karne ya function attend karne aate hai yha par hi Bhuvan Bam  ne bhi apna function rakha tha to agr yha par koi mela ya function chal rha ho to ap yha jarur aaye

Conclusion - End me mai apko yahi kehna chahunga agr ap Chandigarh sirf ghumne firne hai to ye jgh jarur ghume baki agr ap ek do din ke liye aaye hai to ap apni man pasand jgh ja sakte hai inme se jo apko pasand ho to bs aaj ki post me bas itna hi or ye post Places to visit in Chandigarh apko kaisi lagi jarur comment kar ke btaye 

Thank you !

No comments:

Post a Comment